Menstrual Cup in Marathi मेन्स्ट्रुअल कप : कसे वापरावे, फायदे, तोटे, खबरदारी, इतिहास, समज गैरसमज, अनुभव याबद्दल उपयोगी अशी माहिती सविस्तर घेणार आहे.
परिचय
बहुतांश स्त्रिया मासिक पाळीच्या वेळी सॅनिटरी पॅड किंवा कपडा वापरतात, परंतु मासिक पाळीत रक्तस्त्राव आपल्या कपड्यावर येण्यापासून रोखण्यासाठी आणि संसर्ग टाळण्यासाठी हा एकमेव मार्ग नाही.
याशिवाय मेन्स्ट्रुअल कप आणि टॅम्पन्सचाही वापर करता येतो. तशी तुलना केली तर मासिक पाळीचे कप पॅडपेक्षा किफायतशीर असतात आणि पर्यावरणाच्या दृष्टीनेही ते अधिक चांगले मानले जातात. काही महिलांचा असा विश्वास आहे की हे कप वापरण्यास सोयीस्कर आहेत तर अनेक महिला आहेत ज्यांना हे कप वापरणे अद्याप सोयीचे वाटत नाही.
जेव्हा मासिक पाळी येते तेव्हा त्या दिवसांमध्ये सॅनिटरी नॅपकिन्स आणि टॅम्पन्स याचाच विचार ते काही दिवस राहतो. जास्त प्रवाह असेल तर सतत पॅड बदलण्याचे टेन्शन, डाग पडण्याची चिंता असते. वरून पॅड्स संपल्यावर पुन्हा पुन्हा बाजारात जाण्याचं वेगळंच टेन्शन. त्यासाठी दर महिन्याला स्वतंत्र पैसे बाजूला काढुन ठेवावे लागतात.
पण आता हा मासिक खर्च टाळण्याचा एक स्वच्छ मार्ग बाजारात Menstrual Cup मासिक पाळीच्या कपच्या स्वरूपात उपलब्ध आहे. ज्याची माहिती अजूनही अनेक महिलांमध्ये कमी आहे. तर आज आम्ही तुम्हाला मेन्स्ट्रुअल कप माहिती बद्दल सांगणार आहोत. जेणेकरून तुम्हालाही तुमची मासिक पाळी चांगल्या प्रकारे कशी हाताळायची हे कळेल.
Menstrual Cup मासिक पाळीचा कप वापरण्यापूर्वी, महिलांच्या मनात अनेक प्रश्न असतात जसे की, मासिक पाळीचा कप वापरणे पूर्णपणे सुरक्षित आहे का? सॅनिटरी नॅपकिन्सपेक्षा हे जास्त सोयीचे आहेत का? मासिक पाळीचा कप घातल्यावर तुम्हाला चालताना त्रास होतो का? या लेखात आम्ही मासिक पाळीच्या कपशी संबंधित या सर्व महत्त्वाच्या बाबी सविस्तरपणे सांगत आहोत. चला जाणून घेऊया:
मेन्स्ट्रुअल कप योग्य पद्धतीने न वापरल्यास अनेक दुष्परिणामांना सामना करावा लागतो.
मेन्स्ट्रुअल कप म्हणजे काय? What Is A Menstrual Cup in Marathi ?
Menstrual Cup मासिक पाळीचा कप हा रबर, सिलिकॉन किंवा लेटेक्सचा बनलेला लहान, लवचिक, शंकूच्या आकाराचा, फनल च्या आकाराचा कप असतो जो स्त्रिया त्यांच्या योनीमध्ये घालतात. यामुळे मासिक पाळी किंवा मासिक पाळीचे सर्व रक्त किंवा रक्तस्त्राव त्यात जमा होतो. मासिक पाळीच्या कपमध्ये सॅनिटरी पॅड आणि टॅम्पन्स सारख्या मासिक पाळीत वापरणाऱ्या गोष्टीपेक्षा जास्त रक्त जमा होते, ज्यामुळे ते अनेक स्त्रियांना उपयुक्त वाटते. हे कप वेगवेगळ्या आकारात येतात आणि तुम्ही तुमच्या योनी आणि सर्विक्सच्या आकारानुसार योग्य कप निवडावा. सिलिकॉन मटेरियल पासून मेन्स्ट्रुअल कप बनवतात त्यामुळे त्याच्या वापराने अजिबात इजा होत नाही. योनीमध्ये ते घालताना कुठलीही वेदना किंवा अस्वस्थता वाटत नाही. योनीमध्ये प्रवेश केल्यावर त्याचा आकार कपासारखा येऊन जातो. या आकारात मग रक्त जमा होऊ लागते. Menstrual Cup च्या वापराने आपण काही लावलंय असं आठवत पण नाही जसे पॅड किंवा टॅम्पॉन लावल्यावर जाणवते.
मेन्स्ट्रुअल कप कसा वापरतात ? How To Use Menstrual Cup in Marathi ?
तुम्हाला मासिक पाळीचा कप वापरण्यात रस असल्यास, तुमच्या स्त्रीरोगतज्ज्ञांशी एकावेळेस बोला. तुम्ही कोणतेही ब्रँड ऑनलाइन किंवा बर्‍याच स्टोअरमध्ये खरेदी करू शकत असले तरी, तुम्हाला कोणत्या आकाराच्या मेन्स्ट्रुअल कप ची आवश्यकता आहे हे प्रथम तुम्हाला शोधावे लागेल. बहुतेक मेन्स्ट्रुअल कप ब्रँड लहान आणि मोठ्या आकाराचे कप बनवतात.
तुमच्यासाठी योग्य आकाराचा मेन्स्ट्रुअल कप शोधण्यासाठी, तुम्ही खालील गोष्टींचा विचार केला पाहिजे
- तुमचे वय
- तुमच्या गर्भाशय ग्रीवाची (सर्विक्स) लांबी
- मासिक पाळीत तुमच्या अंगावर किती जाते ?
- कपची दृढता आणि लवचिकता
- कप क्षमता
- तुमच्या पेल्विक फ्लोर स्नायूंची ताकद
- तुमची डिलिव्हरी नॉर्मल (योनीमार्फत) झाली आहे का ?